168

عمران خان کا بابا فرید گنج شکر کے مزار پر سجدہ، کپتان کے اقدام پر اپنے فالورز بھی چیخ اٹھے، سوشل میڈیا صارفین کی سخت تنقید،کیا کچھ کہہ ڈالا؟

اسلام آباد(مانیٹرنگ ڈیسک)عمران خان نے گزشتہ شب اپنی اہلیہ بشریٰ بی بی کے ہمراہ درگاہ بابا فرید گنج شکرؒ پر حاضری دی ۔ایک طرف جہاں عمران خان کی اس حاضری کو مثبت انداز سے دیکھا جا رہا ہے وہیں کچھ صارفین پی ٹی آئی چئیرمین عمران خان پر تنقید بھی کر رہے ہیں۔ناقدین کا کہنا ہے کہ عمران خان کو اچھی طرح علم ہے کہ وہ اب وزارت عظمٰی کے امید وار ہیں اور عین ممکن ہے کہ عمران خان وزارت عظمیٰ کے عہدے پر فائز ہونے کے لیے ہی یہ سب کر رہے ہوں۔اب یہ ثابت ہو چکا ہے کہ عمران خان پاکستان کے وزیر اعظم بننے کے لیے کسی بھی حد تک جا سکتے ہیں جبکہ کچھ سوشل میڈیا صارفین نے پی ٹی آئی چئیرمین عمران خان کے سجدہ ریز ہونے کی تردید کی اور کہا کہ عمران خان نے سجدہ نہیں کیا البتہ انہوں نے ازراہ عقیدت مزار کی سیڑھیوں پر بوسہ دیا ہے۔
جبکہ عمران خان کے اپنے بہت سے فالورز نے ان کے اس عمل کو سخت تنقید کا نشانہ بنایا اور اسکی مذمت کی اور کہا کہ خان ایسی حرکتوں سے اپنے چاہنے والوں کے دلوں سے اتر جائنگے اور اپنے فالورز کو خود کھودینگے.
وزارت عظمی کے حصول کے خاطر عمران خان صاحب نے قبر کو سجدہ ریز ھو کر یہ ثابت کردیا کہ اس عظیم منصب کے حصول کیلئے ھم کچھ بھی کرنے کو تیار ہیں

یاد رہے کہ عمران خان نے رات گئے پاکپتن میں اہلیہ بشریٰ بی بی کے ہمراہ درگاہ بابا فرید گنج شکرؒ کے مزار پر حاضری دی۔ سجادہ نشین درگاہ احمد مسعودچشتی نے کپتان کی دستار بندی کی، دونوں کے درمیان ون ٹوون ملاقات۔ تفصیلات کے مطابق چیئرمین تحریک انصاف عمران خان اپنی اہلیہ بشریٰ بی بی کے ہمراہ رات گئے بابا فریدگنج شکرؒ کے مزار پر حاضری دینے کیلئے پاکپتن پہنچے جہاں عمران خان اور ان کی اہلیہ نے مزار بابا فرید گنج شکرؒ کے مزار پر حاضری دی ، چادر چڑھائی اور فاتحہ خوانی کی۔ اس موقع پر صوبائی اسمبلی کے حلقےپی پی 192 سے پی ٹی آئی کے امیدوار دیوان عظمت سید محمد چشتی بھی عمران خان کے ہمراہ تھے۔عمران خان کی اہلیہ بشریٰ بی بی نے بہشتی دروازے کے سامنےپہنچ کر مزار کی طرف منہ کر کے سجدہ کیا جس کے بعد عمران خان نے بھی یہی عمل دہرایا۔ عمران خان نے درگاہ میں تبرکات تقسیم کیے اور فاتحہ خوانی کی۔درگاہ کے سجادہ نشین دیوان احمد مسعود چشتی نے عمران خان کی دستاربندی کی۔ دیوان احمد مسعود چشتی سے ملاقات کے بعد پی ٹی آئی چیئرمین وہاں سے روانہ ہوگئے